Anita Hoxha: Çohu, rini, nga gjumi çohu !

Ndoshta ju do më shani, do më gjykoni, por unë si poete dua t’ua them dy fjalë, ju brezit të ri, përfshirë dhe fëmijët e mijë : Më vjen turp për një pjesë rinie si ju…po, po më vjen turp e nuk jam krenare aspak ! Ju po bëheni një rini tik-toku, rini “Big bradher”, rini “Përputhen“, rini kafenesh, rini lakuriqesh…! Dhe më e keqja është, pa u përpjekur fare për të drejtat tuaja. Na fusni në borxhe, nga 30 mijë paund, për të ikur nga vendi, e akoma më keq, mund të na vishni në të zeza, me ato gomonet e çara, që janë më vdekjeprurëse se armët e 97-ës. Ku shkoni…?! Edhe atje ku po shkoni, po vrisni njëri tjetrin, për shtëpitë e barit, për drogë dhe për femra !! A nuk mendoni për dhimbjen e ne nënave ? Pse, kur keni ato 30 mijë paund, që ne si lajmë dot për gjysmën e tërë jetës.. pse nuk bëheni 4, 5 apo 7 vetë, të blini një resort, apo një biznes, e të rrini në vendin tuaj, në shtëpinë tuaj, me prindërit tuaj ? Që jeta është bërë shumë e shtrenjtë dhe e pa përballueshme, unë nuk ju vë në faj, por që ju rrini në “ Tik- tok”, me orë të tëra, duke ndjekur shabllonet më të gabuara për jetën tuaj, njerëz që për pak fame po shajnë e ofendojnë deri në degjenerim për këtë nuk mund t’ju arsyetoj ! Rrini e mos ikni si frikacak, se jeni e ardhmja e këtij vendi ,ngrihuni kërkoni të drejtat tuaja, duke rezistuar e mos e lëshuar vendin, se po bëni një krim të rëndë ! Shkoni e takoni ata për të cilët votuat, tundeni e shkundeni nga xhaketat e blinduara, që veshin… po vendin mos e lëshoni ! Kjo tokë, është e të parëve tanë, është e prindërve, amanetin e të cilëve duhet ta përcillni brez pas brezi… Mos u largoni i nga vendi, po ngrihuni e kërkoni atë që iu takon ! Nuk duam pleqtë e plakat e Gjermanisë, se kemi fëmijët tanë si yje ! Le te bëjmë një betim që s’do largohemi, duke vënë jetën në rrezik… Të mblidhen të rinjtë e të takojnë kryeministri tregojini të gjitha arsyet, që po u bëjnë të ikni. Politika ka bërë lojëra deri sot, ku secili akuzon njëri-tjetrin për hajdut, po në fakt në burg nuk u fut askush. U bënë milionerë e miliarderë, hap e mbyll dosje të korruptuara, por që në kaq vite, nuk u dënua askush…! E pra, ju duhet të mos e lëshoni kurrë këtë vend, se është i juaji, dhe nuk gjeni askund në botë ngrohtësinë e tij, por ngrihuni e vendoseni fatin e tij dhe të këtij kombi në duart tuaja! Mjaft pitë drogëra, sa po humbni arsyen, shaheni e vriteni me njëri-tjetrin e akoma më keq, për prishje rendi e qetësie, po rriheni nga policia, në mënyrën më brutale ! – Çohu, o rini, çohuni e mos rrini në “Tik- tok” e kafeneve… çohuni të tundet vendi, nga e drejta jote! Mos e lëshoni vendin kurrë, se një ditë gjaku i të parëve do të na mallkoi… Çohu, rini, nga gjumi çohu !

Kontrolloni gjithashtu

Dardan Molliqaj

Dardan Molliqaj: Lugina kërkon zgjidhje

Adresimi në mënyrë të drejtë, çështja e Luginës së Preshevës, duhet të jetë pjesë e …