Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës dhe i Komunës së Gjakovës, Ardian Gjini, ka ftuar qytetarët dhe përfaqësuesit komunalë që t’i bashkohen protestës së komunave, e cila mbahet nesër në Prishtinë kundër ndërhyrjeve të nivelit qendror në kompetencat e pushtetit lokal. Gjini ka deklaruar se komunat janë institucioni më i afërt me qytetarët dhe ka akuzuar Qeverinë për cenim të të drejtave ligjore të tyre. Ai ka përmendur si shqetësime shkurtimet buxhetore, përjashtimin e mbi 3.100 mësimdhënësve nga planifikimet financiare, moskompensimin e dëmeve nga fatkeqësitë natyrore, centralizimin e inspektorateve dhe punësimit në shërbimin civil, si dhe kufizimet ndaj pronës komunale. Sipas Gjinit, këto veprime përbëjnë ndërhyrje të pajustifikuara dhe me motive politike në funksionimin e pushtetit lokal.
