Armata Çlirimtare Popullore e Kinës dërgon trupa për të marrë pjesë në stërvitjen ushtarake shumëkombëshe, në Rusi

Armata Çlirimtare Popullore e Kinës dërgon trupa për të marrë pjesë në stërvitjen ushtarake shumëkombëshe, në Rusi

Ushtria kineze do të dërgojë trupat e saj për të marrë pjesë në stërvitjen ushtarake shumëkombëshe në Rusi me qëllim “të thellimit të bashkëpunimit praktik dhe miqësor”, transmeton agjencia turke,  Anadolu. Trupat e Armatës Çlirimtare Popullore do të marrin pjesë në stërvitjen strategjike, Lindje 2022, ku do të bashkohen me kolegët nga Rusia, India, Bjellorusia, Taxhikistani dhe Mongolia. “Pjesëmarrja e ushtrisë kineze në stërvitje nuk ka lidhje me situatën aktuale ndërkombëtare dhe rajonale”, thuhet në deklaratën e Ministrisë së Mbrojtjes të Kinës. Stërvitja ushtarake, e cila është pjesë e planit vjetor të bashkëpunimit ushtarak Kinë-Rusi, do të mbahet nga 30 gushti deri më 5 shtator. Ministria shtoi se stërvitja ushtarake “ka për qëllim thellimin e bashkëpunimit praktik dhe miqësor me ushtritë e vendeve pjesëmarrëse, për të rritur nivelin e koordinimit strategjik dhe për forcimin e aftësive për të përballuar kërcënime të ndryshme të sigurisë”.

 

Kontrolloni gjithashtu

Sekretari i Përgjithshëm i NATO-s, Mark Rutte, pritet ta vizitojë Kosovën më 11 mars

Sekretari i NATO-s, sfidon Moskën: “Ukraina vendos vetë për trupat në territorin e saj”

Sekretari i përgjithshëm i NATO-s, Mark Rutte, ka reaguar ashpër ndaj kundërshtimeve të Rusisë për …