MIT KS
Fillimi / Kultura / Azem Musliu: Legjenda e Shqiptarisë
Ka ndërruar jetë, luftëtari dhe eprori i UÇK-së, veprimtari dhe profesori i filozofisë, Rexhep Ahmeti

Azem Musliu: Legjenda e Shqiptarisë

(Kushtuar veprimtarit kombëtar, shkencëtarit e profesorit, Mr. sci. Rexhep Ahmetit, shokut tim të idealit)​

 

 

Dielli prap do lindë,​

e jeta prap do qeshë,​

Lisa të mëdhenj si ti,​

Jo, nuk shohim shpesh!​

Na mësove, na mbrojte,​

me ty përparuam.​

Me vepra atdheun,​

ne, gjithmonë ta duam!​

Robëria shekullore,​

na kish lënë terr shumë,​

por, me ty në ballë​

thyem terr e furtunë!​

Me pendë e me pushkë,​

asnjëherë s´u lodhe!​

Me shkencë e me art,​

dritë mbi popull hodhe!​

Komandant morali,​

UÇK-ja të ka!​

O, Rexhep Ahmeti!​

O, më i miri vëlla!​

Kush thotë, s´e ti vdiqe, ​

ai gabon shumë,​

Se veprat e Rexhës​

rrjedhin sikur lumë!​

S’ka rëndësi si ndihesh, aq,​

por,-si reflekton!​

Shpirti i madh i Rexhës​

në vepra gjallëron!​

Ca i mësuam ne,​

Ca brezat që vijnë,​

Shpirti i sakrificës,​

seç ta rritë lavdinë!​

Puna, vërtetësia,​

-ish, devizë e tija,​

-arma më e fortë, ​

është dituria!​

Kurrë nuk i durove, ​

pushtues e tradhëti,​

ndaj rreptë i dënove​

me armë e dituri!​

Pusht(etarët) të gjithë,​

të rinjë e të vjetër,​

halë në sy të kishin…,​

se, flisje të vërtetën!​

Gjithmonë me të Vërtetën,​

Shkencë e Politikën;​

Kapësit e shtetit, ​

fort ta kishin frikën!…​

Ndaj, ty të penguan,​

ditën edhe natën…!​

Por, hienat s´munden​

me luanin t´ maten?!​

Në çdo vështirësi,-thoshe,​

që na ofron jeta,​

gjithmonë shpëtimtare,​

është e vërteta!​

Kur kombi shqiptar,​

të bëjë Ribashkimin,​

ti, o Burrë i Kombit,​

do marrësh shpërblimin!​

Dielli prap, do lindë,​

e jeta prap do qeshë…​

Lumë si ti, o Rexho,​

Lindë, e kurrë nuk vdes!​

 

8 Dhjetor, 2019​

Kontrolloni gjithashtu

Bibla dhe Kurani

Ahmet Qeriqi: Fenomeni i Besës në Bibël dhe në Kur’an

Emri  Bibël, (që shënon një libër hyjnor fetar) në gjuhën shqipe është përkthyer me kompozitën, ...