Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dyshimi, thonë, ka qëllim mbulimin e pamjeve të bukura nga arsye politike (mendësia politike populliste e revolucionare), sepse duhet mohuar të gjitha për t’i fituar të gjitha pastaj!
Të thuash se në Kosovë në këto 21 vite nuk është bërë asgjë e mirë, do të thotë të mohosh së pari masat e sanuara nga lufta (të mundshmet)!
Të mohosh me mijëra kilometra rrugë të asfaltuara ku është i lidhur thuajse secili fshat me qytetin, me infrastrukturë mbi e nëntokësore!
Të mohosh riparimin e ndërtimin modern të mijëra objekteve shkollore në vend!
Të kesh një sistem të qëndrueshëm financiar!
Të kesh trefishim të pagave në arsim, polici e gjetiu!
Të mohosh ndërtimin e qindra kilometrave autostradë, me të cilat krenohet secili qytetar i këtij vendi!
Të mohosh se u ndërtuan me qindra çerdhe, palestra sportive dhe u riparua stadiumi ku kombëtarja jonë zhvillon ndeshjet dhe na bënë krenar të gjithëve!
Të mohosh ndërtimin e qindra urave mbi lumenjt tanë!
Të mohosh sistemin stimulues të mbështetur nga shteti për sportistët kulmorë në skenën kombëtare e ndërkombëtare!
Të ngresh nga asgjëja sistem unik doganor, sistem unik të policisë e të drejtësisë në vend!
Të kesh kapacitete për lakmi të Ushtrisë sonë!
Të mohosh zhvillimin apo ndryshimet e bëra në secilën komunë të vendit!
Të mohosh rezultatet dhe investimet në bujqësi, falë subvencioneve nga shteti dhe donatorët!
Të mohosh subvencionet në riparime dhe restaurime të qindra objekteve të trashëgimisë kulturore!
Të mohosh mbështetjen me fonde nga shtete të ndryshme, projektet inovative dhe sipërmarrësve të rinj!
Të mohosh mbështetjen me fonde nga shteti, projekte të shumta të OJQ ve!
Shumë e shumë të tjera si këto, siç është ndërtimi i fabrikave të përpunimit të ujit të pijes etj!
Në vendin tonë vërtetë mund të ketë të këqija përgjatë viteve, por të mohosh të mirat, është e keqja më e madhe.
Dyshimi, thonë, ka qëllim mbulimin e pamjeve të bukura nga arsye politike (mendësia politike populliste e revolucionare), sepse duhet mohuar të gjitha për t’i fituar të gjitha pastaj!
NUK MENDOJ SI ANTON QUNI
Shërbimi ushtarak ka qenë pjesë e programit qeverisës mes LDK dhe LVV.
Edhe në qeverisjen e tanishme ka një pajtim për këtë ide. Janë pajtuar që të ketë një shërbim ushtarak obligativ tremujor.
Ministri i Mbrojtjes Anton Quni dëshiron ta shtyjë këtë projekt, unë mendoj ndryshe.
Konsideroj se projekti ka kosto të madhe financiare, ndërsa nuk vendos baraspeshë me ushtritë e shteteve të rajonit të pajisura me armatim e teknologji super moderne e ushtri profesionale.
Konsideroj se ushtrisë sonë aktualisht i duhen karshi profesionalizmit të ngritur edhe pajisja me armatimin modern (raketa, dronë luftarak, etj.).
Duhet forcuar edhe me teknologji tjetër ushtarake …! Në vend të shpenzimeve të rekrutimit obligativ ushtarak, mendoj se më mirë do ishte për kohën që ato mjete ti shpenzojmë në blerje të armatimit modern nga aleatët për tu bërë ushtri me plot kuptimin e fjalës dhe e respektuar edhe nga ushtritë e shteteve fqinje.
Koha e ushtrive masive e të pajisura me automatik po përfundon, është kohë teknologjie dhe e profesionalizmit në përdorim të saj.
Kur të arihet ky objektiv mund të diskutojmë për idenë e shërbimit ushtarak obligativ.
Sot, për mua tendenca për ta realizuar këtë projekt është po si guximi me hy në garë me veturën Golf 1 kundër Golf 7?
ANEKDOTË ME POROSI PËR HAKI ABAZIN
Një djalë i lazdruar kishte dalë në rrugë për të luajtur dhe posa e sheh një të moshuar, e gjuan dhe e godet me gurë në kurriz. Plaku u kthye e thirri fëmijën dhe i dha ca para.
Një ditë tjetër prapë djali i lazdruar del në rrugë, takon një të moshuar tjetër dhe sikur të parin e godet me gurë, duke menduar se ai do t’i japë para! Plaku u kthye, e zuri dhe e rrahu mirë me kërryle! Djali si u largua pak i tha:” Aiii xhaxha, a nuk jep edhe ti para si ai plaku tjetër?” “Jo”, ia priti plaku, “Ata që më godasin unë vetëm i godas!”
Haki trimi, ju deri më tani jeni takuar vetëm me plakun e parë!
Haki trimi, politika e gagaçëve, e gojëbaltosëve është rrugë njëkahore dhe nuk shërben për të shkuar drejt cakut. Mbyllet shpejt!
O Haki trimi, ju pata porositur:
Politikës në Kosovë nuk i duhet politikë që në fillim ngre hundën drejt qiellit dhe rrëzohet mbi hundë kur u dalin pengesat!
Kur dalldiset politikani e adoleshenti si Haki Abazi?
Kur është i dehur me të arriturat personale e të cilat e di se nuk i meriton.
Deklaratave apo postimeve të tyre u shkon barcoleta:
-Çka hanë dhelprat?
-Gjithçka që gjejnë!
-E kur nuk gjejnë asgjë?
-Atëherë hanë diçka tjetër!!
Kështu thotë barcoleta, por që lidhet me ca adoleshentë nga politika që me deklaratat e tyre janë bërë si dhelpra në barcoletë!
