Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bedri Hamza, kandidat i PDK-së për kryeministër ka shpallur zhvillimin e qëndrueshëm ekonomik si prioritet të programit të tij qeverisës, duke theksuar rëndësinë e sektorit privat në këtë drejtim. Zhvillimi ekonomik nuk është i mundur pa përmirësimin e kushteve për bizneset dhe pa mbështetje për të punësuarit në sektorin privat. Prioritet i parë është zhvillimi i qëndrueshëm ekonomik. Nuk ka mundësi pa biznese të zhvilluara të kemi një ekonomi të qëndrueshme. Prandaj, është e domosdoshme përmirësimi i klimës së të bërit biznes përmes reformave strukturore, lehtësimit të qasjes në financa dhe politikave fiskale, deklaroi Hamza. Rritja e pagave në sektorin privat është një nga synimet kryesore, për të reflektuar rëndësinë e këtij sektori si kontribues kryesor në ekonominë e Kosovës. Sa i përket sektorit publik, kandidati i PDK-së u zotua se pagat do të rriten me 50% brenda pak muajsh pas formimit të qeverisë.
