Pacolli: Deklaratat e Ivica Daçiqit për tërheqjen e njohjeve të Kosovës janë gënjeshtra

Behxhet Pacolli: Deklaratat e Vuçiqit janë fyese, arrogante dhe të papranueshme

Kryetari i Aleancës Kosova e Re, Behxhet Pacolli, ka reaguar kundër  vizitës së kryeministrit serb, Aleksandër Vuçiqit në Kosovë. Ai ka shkruar se Vuçiqi këtë vizitë është dashur ta shfrytëzoj për të kërkuar falje për krimet e bëra në Kosovë, e jo të jap deklarata fyese. Kryeministrit serb Vuçiq i them se Republika e Kosovës është shtet i pavarur, i civilizuar dhe garanton lëvizje të lirë të njerëzve nga dhe për në Kosovë. Dhe ju, Vuçiq keni shfrytëzuar këtë të drejtë dhe keni ardhur në Kosovë. Mos harroni, se ju keni ardhur pikërisht në Republikën e Kosovës, jo të ashtuquajtur. Ju keni vizituar minoritetin serb në Kosovë. Ju mund ta bëni këtë kur të doni por mos harroni se ju nuk keni të drejtë aspak të përziheni në punët e Kosovës. Ju flisni për Trepçën dhe indoktrinoni njerëz, në të njëjtën mënyrë si paraardhësit tuaj, ju po e kuptoni për kë e kam fjalën. Deklarata juaj është fyese, arrogante dhe e papranueshme. Një rekomandim; shfrytëzoni vizitën tuaj, më shumë për të kërkuar falje për krimet e bëra në Kosovë, gjë që do t’i kontribuonte pajtimit të këtyre popujve për çka kanë shumë nevojë e jo të veproni, prapë po e them, si paraardhësi juaj, të armiqësoni  njerëz. Ju ende nuk e keni kuptuar se njerëzit tuaj po ashtu janë lodhur nga retorikat tuaja pseudo-patriotike e primitive!

Kontrolloni gjithashtu

“Shfaqja” e Nusret Pllanës dhe “stafit” të tij në përurimin e Bunkerit të Pallanikut, nuk ka të bëjë me Radion-Kosova e Lirë ( Reagim dhe sqarim publik i drejtorisë së Radios)

Disa muaj më parë, spikeri i Radios-Kosova e Lirë gjatë luftës, Nusret Pllana dhe reporteri, …