Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryesia e Bashkësisë Islame të Kosovës ka reaguar ndaj ambasadorit të Kosovës në Francë, Qëndrim Gashi, i cili ka publikuar karikaturën e profetit Muhamed, duke e cilësuar si ofendim nga i cili duhet të distancohen Ministria e Jashtme. Sipas BIK-ut, në fillimin e muajit të datëlindjes së profetit Muhamed, kur mbarë bota islame ka filluar manifestimet për të përkujtuar, lexuar e studiuar biografinë e tij të ndritshme dhe mësimet e tij të shenjta, vjen publikimi i karikaturave që ofendojnë profetin, nga ambasadori i Kosovës në Francë, Qëndrim Gashi. BIK-u po ashtu, ka dënuar aktin kriminal ndaj mësuesit francez, i cili karikaturat i kishte prezantuar para nxënësve dhe për pasojë ishte mbytur nga një nxënës i tij. Bashkësia Islame në të njëjtën kohë angazhohet që besimet ndër shqiptarë të mos të përdorën për urrejtje e mos durim, por për bashkëjetesë, njohje, respekt e dashuri.
