Blerta Deliu-Kodra

Blerta Deliu: Gjuhë e urrejtjes, as mllefi i ambicieve të sëmura politike nuk mund ta dëmtojnë UÇK-në

Deputetja e Partisë Demokratike të Kosovës Blerta Deliu-Kodra ka reaguar pas deklaratave të zyrtarëve të Vetëvendosjes! lidhur me komandantët e Ushtrisë Çlirimtare të Kosovës. Ajo ka  shkruar se populli i Kosovës nuk e toleron ofendimin e luftës çlirimtare, nga ata që nuk e dinë as rrugët nga shkohet në Prekaz, Gllogjan, Koshare, Malishevë, Pashtrik, Izbicë, Mejë. Asnjë gjuhë e urrejtjes, dhe as mllefi i ambicieve të sëmura politike nuk mund ta dëmtojnë Ushtrinë Çlirimtare të Kosovës. Toka e këtij vendi, malet dhe zemrat e njerëzve e ndjejnë më së miri lavdinë dhe heroizmin e secilit ushtar të UÇK-së. Ne jemi krenar me luftën që kemi bërë për ti dal zot vendit dhe për ta larguar Serbinë nga Kosova, duke marrë edhe përkrahjen e miqve ndërkombëtarë për luftën tonë të drejtë. Nëse dikujt i është prishur rehatia nga lufta e jonë, i kërkojmë falje. Por ky popull dhe historia e tij nuk e durojnë kurrë përbuzjen dhe fyerjen e vlerës kryesore të saj, UÇK-në. Turp për ata që shkelin mbi këtë lavdi për heroizma të rremë dhe ambicie të sëmura politike.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …