Çavusoglu: Turqia përcjell me vëmendje zhvillimet në Kosovë dhe do të ofroj përkrahje edhe në të ardhmen

Çavusoglu: Turqia përcjell me vëmendje zhvillimet në Kosovë dhe do të ofroj përkrahje edhe në të ardhmen

Kryetari i Kuvendit, Kadri Veseli, priti në takim ministrin e Punëve të Jashtme të Turqisë, Mevlut Çavusoglu. Në takimin në mes tyre u bisedua për zhvillimet politike në Kosovë dhe rajon, për raportet e midis dy vendeve respektive dhe mundësitë e forcimit të mëtejmë të tyre. Me këtë rast, kryekuvendari Veseli njoftoi shefin e diplomacisë turke me proceset nëpër të cilat po kalon vendi ynë, sfidat e tij të brendshme dhe zhvillimet në rrafshin ndërkombëtar. Në vijim të bisedës, ai vlerësoi lart ndihmën e deritashme të Turqisë për vendin tonë dhe theksoi se rëndësinë që ka për Kosovën që kjo përkrahje të vazhdojë edhe në të ardhmen, si në zhvillimin e brendshëm ekonomik, ashtu edhe në forcimin e subjektivitetit ndërkombëtar të shtetit të Kosovës dhe zgjerimit të njohjes ndërkombëtare të tij. Nga ana tjetër, shefi i diplomacisë turke, Mevlut Çavusoglu, tha se shteti i tij vazhdon të ndjekë me vëmendje zhvillimet në Kosovë, ndërsa konfirmoi edhe njëherë mbështetjen e pa rezervë të Ankarasë zyrtare për Kosovën në të gjitha fushat.

Kontrolloni gjithashtu

Edward Joseph

Edward P. Joseph: Agresioni i Rusisë në Ukrainë dhe efekti i tij në Ballkan

Profesori Edward P. Joseph nga Universiteti Johns Hopkins në Washington, në një artikull të botuar …