Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Jashtëm i Serbisë, Ivica Daçiç, ka pritur në takim dhe ka biseduar me përfaqësuesin special të Sekretarit të Përgjithshëm të OKB-së dhe shef i UNMIK-ut, në Kosovë, Zahir Taninin në prag të mbledhjes që do të mbahet në Këshillin e Sigurimit të në të cilën do të shqyrtohet raporti tremujor i punës së këtij misioni në Kosovë. Bëhet e ditur se u paraqitën vlerësime mbi situatën aktuale në Kosovë, veprimin e UNMIK-ut, pastaj mbi angazhimin e këtij misioni në fushat me rëndësi për mbetjen, jetën normale e të dinjitetshme të serbëve dhe të pjesëtarëve të komuniteteve të tjera joshqiptare, theksohet në komunikatë. Posaçërisht u theksua rëndësia e Misionit për zbatimin e marrëveshjeve të Brukselit si dhe angazhimi i UNMIK-ut për të gjitha çështjet me rëndësi për zbatimin me konsekuencë të Rezolutës së KS të KB 1244, theksohet në komunikatën për medie të kësaj ministrie. U theksua edhe rëndësia e pranisë së UNMIK-ut, duke u nisur nga besimi që ka popullata serbe në punën e misionit. Mbledhja e Këshillit të Sigurimit në të cilën do të shqyrtohet raporti mbi punën e UNMIK-ut do të mbahet të enjten, më 25 gusht.
