Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i AAK-së, Daut Haradinaj, ka thënë se nëse dikush ka hyrë pa meritë në listën e veteranëve duhet ta dijë që herët ose vonë do të ndodh pastrimi i listave dhe pastaj të njëjtit do të japin përgjegjësi para ligjit. Tani kur po afrohen ditët për ta festuar përvjetorin e 17-të të përfundimit të luftës, më në fund veteranët janë të trajtuar me ligj si kategori e veçantë. Në anën tjetër numri i veteranëve po hedhet në dyshim, se sa ishin dhe ku ishin në këtë luftë, një e vërtetë është se në Brigaden 131, ku kam pasur përgjegjësinë e caktuar, të gjithë ata qe kanë luftuar do të trajtohen të barabartë, pa asnjë fije dallimi. Se a ishin shumë apo nuk ishin, ka mjaftueshëm dokumente qe e vërtetojnë se sa janë dëshmorë, sa janë invalidë të plagosur dhe sa janë invalidë qe i humbën pjesët e trupit. Por, ideja për të qenë veteran po keqpërdoret dhe interpretohet si raste sociale. Veteran i luftës është titull nderi që e nderon çdo familje që kishin djalin apo vajzën aktiv në këtë luftë. Nëse dikush ka hy pa meritë në listën e veteranëve , duhet ta kuptoj se herët ose vonë do ndodhë pastrimi i listave dhe bashkë me pastrimin do japin përgjegjësi para ligjit. Askush mos të ndjehet keq që sot është veteran, të ndjehen keq ata që do hiqen nga listat e veteranëve.
