Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Bibliotekën Kombëtare “Pjetër Bogdani” në Prishtinë, pritet të mbahet mbledhja e përbashkët e kabinetit të Qeverisë së Kosovës dhe të Shqipërisë. Në këtë mbledhje pritet të nënshkruhen 10 marrëveshje të reja me interes për të dyja vendet në fushën e sigurisë, ekonomisë, mjedisit dhe aspekte të tjera me interes për Kosovën dhe Shqipërinë. Zyrtar të Qeverisë së Kosovës kanë thënë se deri më tani ekspertët e të dyja vendeve kanë harmonizuar gjithë agjendën e mbledhjes së përbashkët dhe marrëveshjet që priten të nënshkruhen.
Agjenda e aktiviteteve:
10: 00 Mbërritja e Delegacionit Shqiptar në pikën Kufitare Vërmicë (priten nga zëvendëskryeministri Kujtim Shala dhe Protokolli i Shtetit).
11:00 Mbërritja e Delegacionit Shqiptar në Bibliotekën Kombëtare
11:10 Pritja Ceremoniale e Kryeministrit të Republikës së Kosovës, Isa Mustafa për Kryeministrin e Republikës së Shqipërisë, Edi Rama.
(Pas intonimit të Himnit Kombëtar të Shqipërisë dhe të Kosovës, Kryeministrat Mustafa dhe Rama prezantojnë kabinetet).
11:20 Fillimi i mbledhjes së përbashkët të Qeverisë së Republikës së Kosovës dhe Qeverisë së Republikës së Shqipërisë.
12:20 Nënshkrimi i Marrëveshjeve.
12:40 Konferenca e përbashkët për media e Kryeministrit të Kosovës, Isa Mustafa dhe Kryeministrit të Shqipërisë, Edi Rama.
