Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Degët e Lidhjes Demokratike të Kosovës, gjatë një takimi kanë reaguar kundër kërcënimit me armë zjarri të drejtorit komunal të arsimit në Lipjan, Rasim Hasani. “Degët e LDK-së konsiderojnë se ky sulm i kryer në objektin e Komunës së Lipjanit, është kërcënim i hapur dhe serioz ndaj jetës së drejtorit Hasani, sulm mbi institucionet dhe ndaj autoriteteve lokale, të cilat burojnë nga vota e qytetarëve”, thuhet në reagimin e LDK-së. Pas takimit të zhvilluar, degët e LDK-së kanë kërkuar nga organet kompetente që të ndërmarrin të gjitha veprimet ligjore ndaj kryesit të këtij akti të rëndë e të papranueshëm, si dhe të mbrojnë jetën e të sigurojnë veprimtarinë e ligjshme të të zgjedhurve. Naim Gashi është personi, i cili e ka sulmuar drejtorin e Arsimit të komunës së Lipjanit, Rasim Hasani, në zyrën e tij, i cili po ashtu me vete ka pasur edhe armë.
