Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë shënimit të 50-vjetorit të themelimit të Universitetit të Prishtinës “Hasan Prishtina”, sot u mbajt një ceremoni solemne në të cilën morën pjesë personalitete të shumta. Në fjalën para të pranishmëve, rektori i Universitetit të Prishtinës, Marjan Dema tha se Universiteti i Prishtinës është shndërruar në bërthamën e shtet-formimit dhe shtet ndërtimit të Kosovës. Ai shtoi më tutje se zhvillimi i shtetit të Kosovës lidhet ngushtë me progresin e Universitetit të Prishtinës, e me këtë rast i bëri thirrje të gjithë shoqërisë që të kontribuojnë së bashku, në ngritjen e Universitetit të Prishtinës. Vlerësime të mëdha për rolin dhe kontributin shumë dimensional të Universitetit të Prishtinës u bënë edhe nga folës tjerë në këtë shënim jubilar. Në shënimin e 50 vjetorit të Universitetit të Prishtinës morën pjesë rektorë të universiteteve të ndryshme si nga Tirana, Mali i Zi, Bosnjë e Hercegovina, Sllovenia, Bullgaria, Gjermania e Shtetet e Bashkuara të Amerikës e rektor të universiteteve nga vende tjera.
