Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pesëqind mijë eurot e ndara nga Qeveria e Kosovës për festimin e Ditës së Pavarësisë kanë qenë bosht i debatit, gjatë mbledhjes së Komisionit parlamentar për mbikëqyrje të financave publike. Deputetët kanë kërkuar llogari rreth kësaj shume nga zëvendësministri i Financave, Fatmir Gashi, i cili ishte ftuar për të sqaruar Raportin e auditimit për menaxhimin financiar dhe kontrollet e borxheve publike për periudhën 2009-2017. Është kërkuar edhe një raport nga Qeveria, në të cilin do të përshkruhej shfrytëzimi i 500 mijë eurove. “Pse gjithë kjo shumë, 500 mijë euro? Pse nuk janë planifikuar më herët kur dihet data e Pavarësisë? Rritja dhjetëfish e shpenzimeve është e pakuptimtë. Çfarë aktivitetesh të tjera janë organizuar pos koncertit të reperëve, dhe sa mund të kushtojë ai? Madje, më e keqja, neve si deputetë ftesa na ka ardhur, jo në emër të kryeministrit, por në emër të bashkëshortes së kryeministrit”, ka thënë, Driton Selmanaj.