Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot para trupit gjykues në Hagë, dëshminë kundër Pjetër Shalës e ka paraqitur, dëshmitari i parë i mbrojtur, djalë i babait që ka punuar në Policinë e Millosheviqit. Fillimisht Gjyqtarja e njoftoi dëshmitarin e mbrojtur se atij nuk do t’i përmendet emri, se i ndryshohet zëri në transmetim dhe nuk do t’i shihet fytyra. Gjyqtarja gjithashtu sqaroi se kur do të flitet për detaje që mund të zbulojnë identitetin e tij, atëherë do të mbyllen në seancë private. Dëshmitari i cili është emëruar TW4-08, gjatë dëshmisë së tij tha se babi i kishte punuar në Ministrinë e Punëve të Brendshme të Serbisë. Në komunitetin ku kemi jetuar, gjithçka ka qenë në rregull. Ka qenë në marrëdhënie të mira dhe ka pasur kontakte me persona të njohur në komunë dhe në mbrojtjen e atij rajonit të Dushkajës, tha dëshmitari. Ai tha se si familje kanë qenë të njohur si përkrahës të LDK-së, dhe shtoi se babi i tij nuk kishte qenë aktiv politikisht në vitet 1997-1998.
