Dëshmitari, Bislim Zyrapi gjatë dëshmisë së tij në Hagë, ka pohuar se pas krijimit të Qeverisë së Përkohshme, aspektet ushtarake kanë vijuar që të mbesin pjesë e UÇK -së. Këtë e kishte thënë edhe për Zyrën e Prokurorit, gjë të cilën e ka pohuar edhe dje ë sallën e gjyqit duke iu përgjigjur pyetjeve të mbrojtjes së Thaçit, përmes avokatit Luka Mishetiq. Po ashtu, ai ka pohuar se qëndron fakti ashtu siç e kishte thënë që kur Fatmir Limaj kaloi në Ministrinë e Mbrojtjes, nuk e kishte më në dorë komandën e policisë ushtarake, sepse kjo njësi vijoi të qëndronte nën urdhrat e UÇK-së. Zyrapi ka pohuar se deri sa është bartur në Qeverinë e Përkohshme, Sokol Dobruna i ka raportuar komandantit të Përgjithshëm të UÇK-së, Agim Çekut. Pas funksionit të tij në UÇK, dëshmitari ka thënë se ka shkuar të punonte si asistent në Ministrinë e Mbrojtjes e që më pas ka deklaruar se ky dikaster bënte pjesë në Qeverinë e Përkohshme dhe jo në UÇK.

Dëshmitari, Bislim Zyrapi, ka thënë se funksioni i Inspektorit të Përgjithshëm nuk ka ekzistuar deri kah fundi i vitit 1998

Sot në Gjykatën Speciale në Hagë, dëshmitari Bislim Zyrapi, ka thënë se funksioni i Inspektorit të Përgjithshëm nuk ka ekzistuar gjatë vitit 1998 deri në momentin kur është ristrukturuar Ushtria Çlirimtare e Kosovës në nëntor të atij viti. Fillimisht, avokati i Rexhep Selimit, Xhefri Roberts, ka pyetur dëshmitarin se a është e vërtetë që as në armatën jugosllave dhe as në atë boshnjake nuk ka ekzistuar roli i Inspektorit të Përgjithshëm përpara vitit 1998. Është e saktë që nuk ka ekzistuar. Faktikisht në ish-armatën jugosllave ka ekzistuar sektori, aty i kanë thanë Inspektori Gjeneral i Sekretariatit të Mbrojtjes që është faktikisht i njëjti veprim i detyrës. Në armatën boshnjake nuk ka ekzistuar. Tek ne, nuk ka ekzistuar përpara se të ristrukturohet Shtabi i Përgjithshëm dhe Ushtria Çlirimtare e Kosovës. Me strukturimin e saj është vendosur të ketë edhe inspektorin e përgjithshëm si në çdo ushtri që kontrollon dhe inspekton ushtrinë, ka thënë Bislim Zyrapi.  Avokati Roberts e ka pyetur dëshmitarin nëse i ishte dhënë ndonjë raport atij për mbajtjen e të burgosurve në atë kohë. Lidhur me këtë çështje, dëshmitari ka thënë se nuk e ka pasur mundësinë Shtabi i Përgjithshëm që të bëjë hetime në atë kohë pasi me atë duhej të merrej sektori juridik e që gjatë kësaj periudhe ende nuk ishte formuar,  ka thënë, dëshmitari Bislim Zyrapi.

Kontrolloni gjithashtu

Faton Klinaku: Arrestimi i luftëtarit të lirisë, Dritan Goxhaj është bërë për t’i frikësuar njerëzit që e kundërshtojnë një gjykatë politike

Faton Klinaku, ka deklaruar se Ushtria Çlirimtare e Kosovës nuk mund të quhet ndërmarrje e përbashkët kriminale

Faton Klinaku, ushtrues detyre i kryetarit të OVL-UÇK-së, ka deklaruar se Ushtria Çlirimtare e Kosovës …