Dhurata Hoxha priti Prokuroren dhe Hetuesen për krime Ndërkombëtare dhe Dhunë Seksuale Maxine Markus

Dhurata Hoxha priti Prokuroren dhe Hetuesen për krime Ndërkombëtare dhe Dhunë Seksuale Maxine Markus

Ministrja e Drejtësisë, Dhurata Hoxha priti në takim informues Prokuroren dhe Hetuesen për krime Ndërkombëtare dhe Dhunë Seksuale gjatë Konfliktit në kuadër të UN WOMEN, Maxine Markus, e shoqëruar nga Drejtoresha e Qendrës për Drejtësi dhe Përgjegjësi, Kathy Roberts. Ministrja falënderoi zonjën Markus për punën e bërë deri më tani në përkrahje të viktimave të dhunës seksuale gjatë luftës, njëherësh shfaqi përkushtimin për vazhdimin dhe thellimin e bashkëpunimit në mes këtyre dy institucioneve. Në takim, ministrja Hoxha potencoi vullnetin dhe përkushtimin e saj institucional në forcimin, dhe qasjen në drejtësi për viktimat e dhunës seksuale gjatë luftës. “Ristrukturimi, dhe reforma ligjore dhe institucionale, zhvillimi i kapaciteteve të akterëve relevantë, si dhe mbështetja për fuqizimin dhe mobilizimin e përkrahjes publike për viktimat e dhunës seksuale gjatë luftës, janë objektivat kyçe dhe zotimet e planit të veprimit” tha ministrja Hoxha.

Kontrolloni gjithashtu

BDI përshëndet dhe mirëpret Vendimin ekzekutiv të Presidentit Bajden për Marrëveshjen e Ohrit dhe të Prespës

Bashkimi Demokratik për Integrim përshëndet dhe mirëpret vendimin ekzekutiv të Presidentit të Shteteve të Bashkuara …