Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtari i lartë i Serbisë për Kosovën, Milovan Drecun, ka deklaruar për B92 se Shtetet e Bashkuara të Amerikës më 1999 “investuan shumë bomba”, për të arritur pavarësinë e Kosovës, por kohët ndryshojnë dhe amerikanët tani janë të vetëdijshme se pa Serbinë në këtë rajon nuk mund të bëhet asgjë serioze. Ai konsideron se vizita e zëvendës-presidentit amerikan, Joe Biden vërteton se Amerika sillet më me racionalitet kundruall Serbisë dhe çështjes së Kosovës sesa disa shtete evropiane. “Kohët ndryshojnë, pozicioni amerikan është tjetër dhe SHBA nuk janë të gatshme të qëndrojnë qind për qind pas Prishtinës”, i ka thënë Drecun B92. Drecun po ashtu ka thënë se nuk pret që SHBA t’i kërkojë Serbisë të njohë Kosovën si shtet, por konsideron se megjithatë është e qartë se pret që Serbia t’i kontribuojë procesit të normalizimit dhe të stabilizimit të marrëdhënieve serbo-shqiptare.
