Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë vizitës zyrtare në Tiranë, kryetari i Kosovës, Hashim Thaçi i dorëzoi medaljen “Urdhri i Pavarësisë”, shkrimtarit të madh të kombit, Dritëro Agollit, për kontributin që ai i ka dhënë pavarësisë së Kosovës. Që në fillim të bashkëbisedimit, shkrimtari u shpreh se e ka të vështirë ta thotë emrin Kosovë, pasi sipas tij rilindësit, që nga koha e Lidhjes së Prizrenit, ishin për një republikë të përbashkët. “Lidhja e Prizrenit ishte për një republikë. Sot kemi dy Republika, Republika e Kosovës edhe Republika e Shqipërisë, bile edhe unë mezi e them e Shqipërisë dhe e Kosovës se ato mund të thuhen më mirë e Shqipërisë këtej Drinit dhe e Shqipërisë përtej Drinit. Ndërkohë, kryetari Hashim Thaçi e falënderoi shkrimtarin që u bë frymëzim për lirinë e Kosovës edhe kur të tjerët shpresuan pak.
