Edi Rama

Edi Rama: Ilir Meta ka të gjitha arsyet që sot të jetojë si në një moment, “o sot o kurrë”, sepse po i rrëshqet toka nën këmbë

Diskutimin në parlament për aktin normativ kundra krimit të organizuar pagëzuar si lufta ndaj KÇK kryeministri Edi Rama ia kushtoi mbështetësve të botës së errët të krimit. “Si ka mundësi që pikërisht kur shfaqet më e qartë më e thellë dhe më e fortë se asnjëherë në 3 dekada vija e kuqe mes shtetit dhe krimit të organizuar, ngrihet një koalicion kaq i larmishëm mes segmentesh dhe protagonistësh që vijnë nga gjitha rrugët e jetës publike, nga mediat, tek i ashtuquajturi President i Republikës, nga opozitat këtu pak çaste para meje dhe atje në rrugë, deri te Avokati i Popullit për t’iu qarë hallin këtyre “të shkretëve” që kanë vrarë, që kanë përdhunuar, që kanë trafikuar çfarë kanë mundur, që kanë grabitur pronat sa kanë mundur, që kanë shantazhuar sa nuk merret as me mend njerëzit e zakonshëm dhe sipërmarrësit e këtij vendi dhe që me demek tani po dhunohen në të drejtat e tyre njerëzore?! Po turp nuk ju vjen fare?”, shprehet Rama.  “Ilir Meta ka të gjitha arsyet që sot të jetojë si në një moment, “o sot o kurrë”, sepse sot vija ndarëse mes të shkuarës dhe të ardhmes po bëhet gjithmonë e më pafshishme me gomën e pazareve politike. Sot është marrë një vendim solemn në ekstrem nga kjo qeveri dhe nga kjo shumicë për t’i dhënë një dërrmë përfundimtare krimit të organizuar”, thotë kryeministri, Edi Rama.

Kontrolloni gjithashtu

Deputetët e Partisë Demokratike të Kosovës e lëshojnë sallën e Kuvendit, nuk marrin pjesë në votime

Në Kuvendin e Kosovës. në mungesë të kuorumit, ka dështuar të themelohet komisioni hetimor për kontratat njëburimore

Në mungesë të kuorumit, ka dështuar të themelohet komisioni hetimor për kontratat njëburimore, pasi deputetët …