Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka reaguar sërish ndaj deklaratave të Dritan Goxhajt, ish-luftëtar i UÇK-së, të bëra gjatë protestës së zhvilluar një ditë më parë para Kryeministrisë. Përmes një postimi në rrjetet sociale, Rama ka publikuar një dokument me datë 21 prill 1999, që sipas tij i përket periudhës së luftës në Kosovë dhe i është drejtuar Shtabit të Operacionit “Shigjeta”. Sipas kryeministrit, dokumenti përmban dëshminë e një ish-komandanti të UÇK-së lidhur me Dritan Goxhajn. Në përmbajtjen e tij pretendohet se Goxhaj kishte shoqëruar katër oficerë të Ushtrisë Shqiptare në qendrën stërvitore të UÇK-së në Helshan, por më pas ishte larguar për në Tiranë, duke mos iu bashkuar luftës në Kosovë. Kryeministri theksoi se polemika e tij nuk ka të bëjë me Ushtrinë Çlirimtare të Kosovës dhe ritheksoi respektin për luftën e saj. “Jo për një manipulator gjysmë taleban e gjysmë mitoman, po për krejt botën sikur të ma falin, nuk e hedh një pikë balte unë mbi flamurin e UÇK-së”, ka shkruar Edi Rama në reagimin e tij.
https://www.facebook.com/photo?fbid=1566949818134007
