Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Reporteri i Radios-Kosova e Lirë dhe i Agjencisë Kosovapres gjatë luftës dhe themelues i Agjencisë së lajmeve dtt-net.com, gazetari i mirënjohur i luftës dhe i paqes, Ekrem Krasniqi ka reaguar kundër deklaratës së djeshme të kryeministrit të Kosovës, Albin Kurti, i cili e shfajëson Aleksandër Vuçiçin për përgjegjësinë e tij në krimet e luftës që ka bërë regjimi i Sllobodan Millosheviçit ndaj shqiptarëve të Kosovës, edhe pse ai ishte pjesë e këtij regjimi gjatë kohës së luftës në Kosovë. Vuçiq në atë kohë ishte ministër i Informimit dhe asokohe ishte zotuar se do ta zhdukte Radion Kosova e Lirë e Agjencinë Kosovës Pres, ndërsa më 27 mars 1999, regjimi i Milosheviqit me dy aeroplanë kishte marrë në shënjestër dhe kishte goditur selinë e Radios në fshatin Berishë.
Ekrem Krasniqi me këtë rast iu ka drejtuar Albin Kurtit: Shko në malet e Berishës dhe shihe shtëpinë ku kanë punuar kolegët e mi të Radios Kosova e Lirë të Kosovapressit se si ishin sulmuar nga MiG-at e Milosheviqit. Kush i tha gjeneralëve të tij pse duhet sulmuar mediet?
Sipas teje, Albin, Vuçiqi paska qenë ministër engjëll, ka shkruar në një postim të tij gazetari i mirënjohur, Ekrem Krasniqi.
