Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori i së drejtës ndërkombëtare, Enver Hasani, ka deklaruar se pengesa kryesore për formimin e qeverisë së re në Kosovë nuk është zgjedhja e presidentit, por përmbushja e detyrimit për themelimin e Bashkësisë së Komunave me Shumicë Serbe. Hasani tha se “frika nga implementimi i autonomisë serbe, të cilën zoti Kurti e pranoi në Bruksel në pranverën e vitit 2023”, është arsyeja kryesore e obstruksionit për krijimin e institucioneve. Ai theksoi se çështja do të përqendrohet në dërgimin e draft-statutit të BE-së ose një drafti tjetër në Gjykatën Kushtetuese dhe se kjo ka më shumë peshë sesa zgjedhja e presidentit. Hasani pret që Administrata Trump të shtyjë përpara zbatimin e Marrëveshjes së Ohrit ndërmjet Kosovës dhe Serbisë, duke theksuar se një marrëveshje e re nuk është e nevojshme, por mund të ketë shtesa me dimension ekonomik. Sipas tij, procesi do të fokusohet në normalizimin e marrëdhënieve mes dy vendeve, duke shmangur çështjen e njohjes reciproke, pasi Kosova në vitin 2023 hoqi dorë nga kjo kërkesë si de facto ashtu edhe de jure.
