Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eprori i lartë i UÇK-së gjatë luftës, Sabit Geci, mohon se e ka ndërruar emrin dhe fenë, sikur shpallen dy kisha. Në disa medie dhe në postimet e dy kishave u dha lajmë sensacional se ish eprori i lartë i UÇK-së ka ndërruar fenë dhe emrin. Ky lajm ishte mirëpritur aq shumë sa që nuk vonuan shumë postime të pa verifikuara. Invalidi i rëndë i UÇK-së, Sabit Geci i cili tërë kohën e pas luftës e ka kaluar padrejtësisht nëpër burgje, duke e demantuar lajmin ka thënë thjesht, nuk kam çfarë feje ndërroj, sepse nuk jam fetar. Jo more vëlla, emrin as fenë nuk i ndërroj, se unë nuk jam fetar fare. Unë nuk kam nevojë ta ndërroj fenë kur nuk jam fetar. Unë emrin s’e ndërroj me ma dhanë botën, se e kam emrin që ma kanë lanë baba e nana”, tha, Sabit Geci i cili me bashkëluftëtarët e Adem Jasharit ka luftuar dhe i ka lënë gjymtyrët në luftë për çlirimin e Kosovës nga robëria serbe dhe jo për asnjë fe, sikur pretendojnë qarqet antishqiptare. Sabit Geci tha është duke hulumtuar se kush dhe përse e postoi një gënjeshtër të tillë.
