Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eugen Cakolli nga KDI ka deklaruar se, nga aspekti procedural, Lëvizja Vetëvendosje mund të kërkojë kohë shtesë për arritjen e një marrëveshjeje për konstituimin e Kuvendit, por kjo mundësi është e kufizuar deri nesër, më 7 gusht, në orën 23:59. Ai tha se nuk e kupton se çfarë marrëveshjeje mund të arrihet tani, kur një gjë e tillë nuk është bërë gjatë 29 ditëve të fundit. “Këtu janë dy çështje të ndara. Në aspektin procedural ekziston mundësia që subjekti i parë të kërkojë kohë shtesë për gjetjen e një marrëveshjeje. Por s’e kuptoj se cila mund të jetë një marrëveshje që s’u arrit për 29 ditë”, u shpreh Cakolli. Sipas tij, nëse Kuvendi nuk konstituohet brenda afatit kushtetues, vendi rrezikon të shkojë në zgjedhje të parakohshme parlamentare, pavarësisht se Gjykata ende nuk është përgjigjur për këtë çështje.
