Flora Brovina: Janë pak 11 vjet pavarësi për të kërkuar gjithçka nga Shteti i Kosovës

Flora Brovina: Janë pak 11 vjet pavarësi për të kërkuar gjithçka nga Shteti i Kosovës

Në një intervistë për “TV Diellin”, deputetja e Kuvendit të Kosovës, veprimtarja dhe humanistja,  Flora Brovina, pasi ka folur për disa momente kyçe të jetës dhe biografisë së saj të pasur atdhetare e humaniste, është shprehur e dëshpëruar me qasjen që ne si popull kemi ndaj Atdheut.

Ne nuk e pyesim veten se çka i dhashë dhe sa i dhashë unë atdheut, por kërkojmë të marrim sa më shumë nga ai.

Janë pak 11 vjet pavarësi për të kërkuar gjithçka nga Shteti i Kosovës. Nuk ndalemi  të mendojnë se 20 vjet kemi blerë artikuj e mallra të ndryshme nga Serbia duke i dëmtuar prodhuesit tanë.

Tani kur kemi aplikuar një taksë na kritikojnë dhe kërkojnë nga ne të heqim dorë nga ky vendim i drejtë, sepse Serbia po ndihet e dëmtuar ekonomikisht. Deputetja, Flora Brovina kërkon që populli të vetëdijësohet dhe t’i bojkotojë produktet serbe, sepse një veprim i tillë ka qenë dashur të merret  prej kohësh.

Ajo saktësoi se Kosova gjendet para një presioni të fortë ndërkombëtar, por vendimin e Qeverisë lidhur me mos heqjen e taksës për mallrat e Serbisë dhe Bosnjës e konsideron të drejtë, sepse shton ajo se  edhe në bisedime e në marrëveshje duhet të jemi të barabartë.

Deputetja Brovina ndihet e brengosur edhe me shumë dukuri, të cilat po e dëmtojnë jetën qytetare në vendin tonë. Ne ende nuk reagojmë në mënyrë unike, si një popull kur është në pyetje fati dhe sidomos interesi i atdheut, saktëson ajo. Po ashtu kemi ndryshuar  edhe në familje. Kemi një  prirje të pangopshme për jetë luksoze, duke harruar ku kemi qenë dikur dhe ku jemi tani…

Kontrolloni gjithashtu

Gabriel Escobar: Duam që Serbia të jetë shtet më i fuqishëm brenda komunitetit, me miq që ka në Amerikë dhe në Evropë

Pjesë nga intervista e të dërguarit special të Amerikës për Ballkanin Perëndimor, Gabriel Escobar, dhënë ‘Zërit të Amerikës”

I dërguari special i Shteteve të Bashkuara të Amerikës për Ballkanin Perëndimor, Gabriel Escobar, në …