Ramush Haradinaj

Haradinaj: Nuk kam pritur asgjë nga ky kryeministër, sepse ai është i dobët dhe i pa aftë

Aleanca për Ardhmërinë e Kosovës nuk do të vendos vija të kuqe ndaj asnjë subjekti politik, madje as ndaj Partisë Demokratike të Kosovës, kështu ka deklaruar vet kryetari i AAK-së, Ramush Haradinaj, në një intervistë për KosovaPress. Por, ai ka kritikuar qeverisjen e kryeministrit Isa Mustafa, duke thënë se ai është i pa aftë për të qeverisur vendin. “Ne po punojmë që t’i fitojmë zgjedhjet. Boshti opozitar është AAK e Nisma, dhe qëllimi është me i fituar zgjedhjet. Nëse i fitojmë do të zgjedhim partner. Por nëse nuk i fitojmë zgjedhjet nuk do të vendosim vija të kuqe dhe s’kemi vendos. AAK dhe Nisma jemi në koalicion parazgjedhor, pra është boshti opozitar AAK – Nisma, dhe mund të jemi të hapur edhe për figura të tjera politike, publike dhe për qytetarët. Nuk kam pasur ndonjë pritje nga ky kryeministër, për shkak se nga ajo që njoh ai është i dobët dhe i pa aftë. E kemi parë edhe gjatë qeverisjes në Prishtinë, ka thënë mes tjerash, Haradinaj.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …