kek
Airport Adem Jashari
MIT
mbpzhr 2018
Fillimi / Lajmet / Haradinaj: Trimat e lirisë, dolën ngadhënjyes, sakrificës së tyre i përulemi dhe i jemi falënderues përgjithmonë
Ramush Haradinaj

Haradinaj: Trimat e lirisë, dolën ngadhënjyes, sakrificës së tyre i përulemi dhe i jemi falënderues përgjithmonë

Kryeministri në detyrë, Ramush Haradinaj ka kujtuar rënien e disa dëshmorëve në Dukagjin, duke thënë se rënia e tyre shënon fillimin e ofensivës së shtatorit dhe ishin ditë vendimtare për rrjedhën e luftës së UÇK-së dhe të vendit tonë. “Familja Zeneli e Jabllanicës dha shumë për çlirimin e vendit. Dritan Zeneli, ushtarak profesionist, teknik i aviacionit, i përndjekur nga regjimi i atëhershëm, u bashkua me kauzën e lirisë që nga fillimi. Ai i stërviste në Gllogjan luftëtarët e rinj, që të përgatiteshin për betejat e radhës. Këtë detyrë e kreu me nder, duke lënë gjurmë të pashlyera në njërin ndër kapitujt më të lavdishëm të historisë sonë, luftës çlirimtare. Komandant Fatoni, ra në krye të detyrës në Jabllanicë. Po atë ditë, Përparim Krasniqi i familjes së Sylërexhëve të Vranocit, familje që i dha atdheut Adrian Krasniqin, u përjetësua në kufirin Kosovë – Shqipëri, duke kryer detyrën e tij të furnizimit me armë. Në pozicionet e luftës, ranë heroikisht edhe Xhevdet Hoti nga Jabllanica e Dushkajës, Haxhi Krasniqi e Muhamet Shala nga Prapaqani, si dhe Shefqet Zukaj nga Belegu. Rënia e tyre shënon fillimin e ofensivës së shtatorit në Dukagjin. Ishin ditë vendimtare për rrjedhën e luftës së UÇK-së dhe të vendit tonë. Trimat e lirisë, dolën ngadhënjyes përballë armikut, e sakrificës së tyre i përulemi dhe i jemi falënderues përgjithmonë. Lavdi!”, ka shkruar ai.

Kontrolloni gjithashtu

Kryeministri i Rusisë, Dmitry Medvedev, zotohet për t’i forcuar edhe më tej marrëdhëniet me Serbinë

Kryeministri rus, Dmitry Medvedev, të shtunën është zotuar për t’i forcuar edhe më tej marrëdhëniet ...