kek
Airport Adem Jashari
MIT
mbpzhr grante
valamobile
Fillimi / Opinione / Haxhi Avdyli: PAN po na zhvatë LDK dhe Vetëvendosja po i argëtojnë me fjalë
Haxhi Avdyli: PAN po na zhvatë LDK dhe Vetëvendosja po i argëtojnë me fjalë

Haxhi Avdyli: PAN po na zhvatë LDK dhe Vetëvendosja po i argëtojnë me fjalë

Në Tiranë dje opozita protestoi për ndaljen e qeverisjes së krimit. Në Beograd opozita mbrëmë kishin pushtuar për pak kohë RTS-në zëdhënësen e regjimit autoritar të Vuqiqit. Edhe në shumë shtete protestohet për çështje edhe më të thjeshta. Në Kosovë kemi një regjim të një partie me 10 deputet që kanë kapur shtetin, duke shpërdorur buxhetin, duke punësuar në  Qeveri, Ptk e gjithandej , duke filluar nga djemtë e tezes ,te fëmijët, gjyshërit edhe atë pa u skuqur aspak. Një parti me 4 a 5 deputet si Nisma e mësuar nga praktikat e PDK -së po zhvatin çdo kund dhe çdo gjë ku janë në pushtet. Kurse baba i kësaj katrahure PDK ka 11 vjet që po vazhdon , sa që këtë nuk ka nevojë ta përshkruajmë më shumë vetëm si mafi politike. Ka president që qet 1/3 e tokës së Kosovës në pazar ,vetëm të shpëtojë nga gjykata.

Por çka po ndodh me ne opozitarët, që krerët e partive opozitare LDK e VV heshtim apo vetëm reagojmë me statuse e debate koti në kuvend që keta mafiozët  në pushtet i shohin si argëtim. VV per 2 vite sa ishte Isa Mustafa, sytë deshi t’ia nxjerrë, e gjuajti në rrugë e shtëpi, kalli kuvendin, e rrugë e institucione e tash me qetësinë intelektuale po u mbajnë zhagun e rehatisë së pushtetarëve zhvatës. LDK nuk do të protestoj, sepse ka protestuar kur ka qenë koha e Serbisë , tash do ti ruaj institucionet , duke ua mbajtur institucionet si një Lopë për ta mjelur edhe më  tutje banda e komandantëve profiter deri në ngordhje. Të nderuar qytetarë ,ju keni mbetur të hutuar, të zhgënjyer, po ikni çdo ditë ashtu edhe pushteti ju do pa shpresë dhe sa më pak në Kosovë që mos tua prishni rehatinë e para të qoni në Kosovë që tua mbushni buxhetin për ta shpërdorur. Ju qytetarë jeni të zhgënjyer me pushtetin mafioz dhe aq edhe me ne opozitën e fjetur ,si LDK e VV, që janë te frikësuar për të vepruar, e shkapërderdhur, e mos të flasim për ata si PSD etj që ua kanë vjedhur besimin për ta quar në kazanin e mafisë politike. Ky vend prandaj ka humbur shpresën , ka humbur rrugën në oborr, jo vetëm nga veprimi i zhvatësve sa edhe nga mosveprimi i joni si opozitë dhe qytetarisë aktive të munguar. Këta jo që nuk ndalen me fjalë e postime por edhe i përqeshin duke mos e prish as tymin në zhbërjen e këtij shteti duke na shëndrruar të gjithëve në skllevër të familjeve tyre politike. Koha ishte dje për veprime të guximshme politike dhe për ndryshim, sot veç jemi vonë.

(Haxhi Avdyli, është deputet i Kuvendit të Kosovës nga radhët e LDK-së)

Kontrolloni gjithashtu

Bashkim Ramosaj

Adem Lushaj: Kryetari i Deçanit, Bashkim Ramosaj, nuk ia falë pronat publike, Manastirit të Deçanit

“BE shprehë shqetësim të thellë për mungesën e zbatimit të vendimit të Gjykatës Kushtetuese të ...