Hoti premton përkrahjen e tij për realizimin e projekteve kapitale

Ministri i Financave Avdullah Hoti gjatë vizitës në komunën e Gjakovës ka takuar kryetaren e komunës, Mimoza Kusari Lila, nga e cila u njoftua për zhvillimet ekonomike dhe për projektet zhvillimore të kësaj komune. Kryetarja Kusari Lila  tha se KomunA është e përkushtuar që shumë projekte komunale t’i realizojmë me Partneritet Publiko Privat duke shprehur mirënjohje për përkrahjen që Komiteti i Partneritetit Publiko Privat po i jep kësaj Komune.

Ministri Avdullah Hoti tha se “duke pasur parasysh që udhëheqja komunale është e lidhur drejtpërsëdrejti me qytetarin, komuna e Gjakovës  duhet të merret si shembull për të mirë edhe nga komunat tjera në Kosovë se si duhet të përkrahet zhvillimi i bizneseve nga udhëheqësit komunal dhe ofrimi i shërbimeve sa më të mira për qytetarët e kësaj komunë”.

Ai  duke shprehur përkrahjen e tij për kryetaren e Gjakovës për realizimin e projekteve kapitale të kësaj komune të cilat ndikojnë drejtpërsëdrejti në jetën e qytetarëve në komunën e Gjakovës, bëri të ditur se “me kryetaren Mimoza Kusari Lila në takim kemi diskutuar shumë çështje  me interes për qytetarët e kësaj komune, në veçanti projektin e rrugëve për hyrje daljet në qytetin e Gjakovës. Dhe shpresojmë që ky projekt të realizohet sa më shpejtë në bashkëpunim edhe me Ministrinë e Infrastrukturës dhe Kuvendin Komunal të Gjakovës”.

Ndërsa, kryetarja e komunës së Gjakovës Mimoza Kusari Lila  tha se me ministrin Avdullah Hoti përveç projektit të rrugëve për hyrje daljet në komunën tonë, biseduam edhe për kërkesat buxhetore dhe projekte të tjera kapitale.

Ministri i Financave Avdullah Hoti gjatë qëndrimit në komunën e  Gjakovës, së bashku me drejtorin e ATK-së Sakip Imeri vizituan edhe Ndërmarrjen Publike “Aeroporti i Gjakovës” si dhe NTP “Wear&Go” rrobaqepësi si dhe qumështoren “Golaj”.

Kontrolloni gjithashtu

Sot në Kuvendin e Kosovës mbahet seanca e jashtëzakonshme e thirrur nga partitë opozitare

Deputetët flasin për detyrimet e mundshme financiare të Kosovës

Kuvendi i Kosovës vazhdon seancën plenare, ku do të diskutohet lidhur me detyrimet e mundshme …