Ish-ushtari i UÇK-së, Isni Kilaj udhëton për në Hagë ku do të intervistohet në Dhomat e Specializuara të Gjykatës Speciale

Zëvendësministri në detyrë i Diasporës, Isni Kilaj, është nisur për në Hagë. Atje ai do të intervistohet nga hetuesit e Zyrës së Prokurorit të Specializuar në Hagë. Kilaj, që ka qenë më parë edhe kryetar i Malishevës nga radhët e PDK-së, gjatë luftës ishte edhe pjesë e UÇK-së. Lajmin për nisjen e tij e ka bërë vetë ai përmes një shkrimi të shkurtër në rrjetin social. “Rrugës për Hagë! Ju faleminderit për mbështetje!”, ka shkruar Kilaj.