Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ditë më parë më 18 qershor 2022 në Shën Petersburg, u takuan Presidenti i Federatës Ruse Vlladimir Putin dhe Presidenti i Republikës Serbe të Bosnjë e Hercegovinës Millorad Dodik!
Pas fillimit të luftës në Ukrainë, vizita e Presidentit të Republikës Serbe të Bosnjës Millorad Dodik, është më e larta nga Ballkani që realizon në teritorin e Federatës Ruse, respektivisht në Shën Petersburg!
Analizat dhe zhvillimi i ngjarjeve dergojnë në përfundime të cilat kapin pozicione që paralajmërojnë se do të ketë surprizë radikale!
Paralajmërohet shpallja e Pavarësisë së Republika Serpskës në shtet sovran e të pavarur nga Bosnja, e cila pas shpalljes së Pavarësisë, njohjen e parë do ta ketë nga Federata e Rusisë dhe personalisht nga Presidenti Putin, i cili me ceremoni solemne do ta shpallë njohjen ndërkombëtare të sajë!
Njohja e dytë do të pasojë nga Serbia dhe personalisht nga Aleksander Vuqiq dhe shtete të tjera satelite të Rusisë e Serbisë!
Takimi në mes të Presidentit Putin e Presidentit Dodik në kushtet e luftës në Ukrainë do të mbahet në mend edhe për faktin se e ka marrë vulën fillestare të shpalljes së Republikës Serbe të Bosnjës, shtet sovran dhe të pavarur!
Ky paralajmërim i këtij evenimenti serbo-rus bëhet në kohën e bllokadës dhe izolimit total që ia ka vënë bashkësia ndërkombëtare Rusisë përshkak të luftës në Ukrainë!
Takimi historik Putin-Dodik shënon fillimin e fundit të evenimentit që do të pasojë atë që paraljamërohet shpalljen shtet të pavarur e sovran të Republikës Serbe të Bosnjës, e cila do ta rritë hapsirën teritoriale të Kroacisë!
Nëse ndodhë kjo, atëherë kufijtë do të levizin, Kosova do të jetë në radhë!
Ismet Sylejmani,
Prishtinë, 21 Qershor 2022
