Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nëpër vite që kalojnë,
Zëri saj gjithnjë jehon,
Është zëri i lirisë,
Kosovë bijë e Shqipërisë.
Atje në malet e Berishës,
Buçiti zëri i trimërisë,
Nëpër dallgët luftarake,
Në betejat çlirimtare.
Në furtunat ballë për ballë,
Ti u ndeshe dhe ngadhënjeve,
Dhe kur predhat të bënin varr,
Qëndrove e kurrë s’ u shembe
Dhe nga maja malesh dole,
E kalitur dhe e fortë,
Gjak i zemrës arbërore,
Diell e dritë i kësaj toke.
Tokë e etërve të Arbërisë,
Ti Kosovë o dheu ynë,
Me themele të Ilirisë,
Gjak skifterësh të Shqipërisë.
Kështu vepron dhe kurrë s’ndalon,
Radio e luftës në Prishtinë,
Është Radio Kosovë e Lirë,
Që na afron e na bashkon.
E vepron për nder të Atdheut,
Dhe me zërin e dëshmorëve,
As nuk shuhet, as nuk tretet,
Në themele të bashkimit.
4 janar 2018
