Izet Shala: Gitara

13/01/2019 Kultura

Tema të tjera...

Këngën

Na mësoi Gitara.

Të bashkuar për Liri

Kadri Zeka ,Vëllëzrit Gërvalla,

Nuhi Berisha e Rexhep Mala.

Këndonin bodrumeve të qyteteve

Ku lehatarët grryenin eshtrat e pakuptim të kohës

Ata, kërkonin gitaren e humbur, humbëtirave të tokës dardane

Natën korb dhe ditën e përhitur

Nga lazdranët e nëntokës buzëmbrëmjes,

Nga pleqët me duar të qara dhe mjekërrthinjur

Kërkonin Gitaren

Të bashkuar për Liri

Kadri Zeka ,Vëllëzrit Gërvalla,

Nuhi Berisha e Rexhep Mala

Jo, t’i këndonin vetëvetës

Po të zhgrehen në vaj e vajin ta bëjë këngë

Këngën melodi, melodinë krisma pushke

Për Liri.

Malishevë, janar 2019

Hazir Mehmeti: BATAJNICË E ZEZË

Në fushën e zezë vrisnin qiellin Ra zi e tmerr, verboi dhe diellin Korbat e zi të shkau barbar Krrokatin mbi Batajnicë mbi një varr Gjiri në buzët e foshnjës ngrirë Nëna më tutje pa kokë e shtrirë Ku të kam Shqipja ime s’po mund të flas Gjiri më derdhët, ah, zemra më plasë Eh, pika gjaku porosi ju lë sot Agimin ta varrosni pa vaje e pa lot …