Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dëshmitari, Jan Kickert, gjatë fjalës së tij, në Gjykatën Speciale, Hagë, në një rast të përmendur nga gjyqtari Kristof Bart, theksoi se komuniteti ndërkombëtar e konsideronte Hashim Thaçin si një aleat me vlerë për të qetësuar situatën ndëretnike në Kosovë, e cila ishte tensionuar pas luftës. Ai gjithashtu përmendi një video ku Thaçi fliste për grupet etnike dhe kundërshtonte veprimet hakmarrëse. Dëshmitari gjithashtu nënvizoi se qëllimi i komunitetit ndërkombëtar ishte të ndalte konfliktin në Kosovë dhe të kufizohej numri i incidenteve, duke theksuar besueshmërinë në udhëheqjen e Thaçit, i cili vinte nga UÇK-ja. Dëshmitari, Jan Kikert, nuk mund të kujtonte nëse Thaçi ose Qeveria e Përkohshme e Kosovës kishin marrë ndonjë masë lidhur me incidentet ndaj komunitetit serb, ai vuri në dukje se kishte ende problematika të mëdha në siguri dhe angazhim politik nga ana e shqiptarëve të Kosovës, veçanërisht nga UÇK-ja.
