Jusuf Zenunaj

Jusuf Zenunaj: Do ta uroja artistin

Do ta uroja artistin,

artistin e vjetër,

poetin tonë të ri,

që e adhuroja qysh se fëmijë

sikur t’mos më kujtohej viti 81,

muaji mars,

dita e 26- shta,

në mes të konvikteve,

në lëndinë,

në Kuvendin për demonstrata…

Artisti erdhi si hije e Vllasit,

studentët luti n’tokë e n’qiell

t’ mos t’merrnin rrugën,

rrugën që i shpinte në ditën me diell,

18 dhjetor 2016

 

Ministresha thotë veç shkallët do të mbesin….

 

Fjalët e Editës

gjithmonë dardhë me bisht,

sikurse herëve të tjera,

i ndërroi për dy ditë.

“Muri serb do shembet”

tha herën e parë,

s’ e dinim a ishte në gjumë

a rrëfente ndonjë përrallë…

Ndoshta herën tjetës

në veri gjejnë ndonjë metër,

pastaj sikur rrobat

“murin e presin “

Ministresha thotë

veç shkallët do të mbesin….

11 dhjetor 2016

 

Mos ngreh muskujt Isë!

Mos ngereh muskujt Isë
se je lodhur shumë,
kur vajte n’ veri
gadi rave n’lumë.

Mos ngreh muskujt Isë
se të gjithë e dinë,
ti s’je Isai i vjetër
që u lind n’ Boletin.

Kushtetua për ty
si për qeveritë e tjera
ngeli shkrim n’letër
pa e humbur era.

Mos ngreh muskujt Isë
pa leje t’perendimit
sot na ndaua edhe muri
e kur t’ikën dimri…..,?!


8 DHJETOR 2016

 

 

SOVRANITETI YNË

Mos ngreh muskujt ( Isë)

a thotë kushtetuta ?

Ligj “i i Mustafës ” 

për njerëzit e Vuçiqit

ka veç fjalë të buta.

Në gjithë territorin

kem sovranitet,

si peshqit në det,

kur peshkatari

i futë në rrjetë….

8 DHJETOR 2016

 

SOVRANITETI YNË…

Në gjithë territorin
kemi sovranitet,
si peshqit në det,
kur peshkatari
i futë në rrjetë….

8 DHJETOR 2016

 

Trim në luftë, në liri si bleta

Ngre sarajet në katund
si dikur pallatet mbreti,
a ia solli lekët bjeshka
a stuhia prej matanë detit?

Është artist në Hollivud
apo dijetar për çmim Nombel ?
Mos ka gjetur qyp me lira
nën lis ahu në zabel ?

Jo, more jo, është trimi,
trim n’ luftë, në liri si bleta
mbushur ka koshoret e veta.

Fllad në vapë e nxehtë në dimër,
shiu as breshëri nuk e zënë,
ka sarajet me bazën.

Dje na ishte deputet,
kryelartë sikur mbret,
shumë i zgjuar e fjalëpakë,
u bë shkencëtar për një mandat.

Nga një post në një tjetër,
ka shumë shokë nuk është vetëm.
Këtë rrugë moti e ka marrë,
harroi që pati bashkëluftëtarë…..

J.Z. 3 dhjetor 2016

 

Kryetari në Drenas

 

Kryetari i Shtetit na erdhi

na erdhi në Drenas,

të parën ka partinë,

kushtetutën e lë pas.

Mori pak mundim,

edhe sot sikur se dje

në fushatë për partinë,

me lutje për votim;

të zgjedhim Ramizin

se është dosti ynë…

 

1 dhjetor 2016

 

Herë me shalë…

 

Nuk ndërron moti

me diell e me shi,

sikur ndërrimet

në parti.

Turr e vrap pa u ndalë,

herë me shalë,

herë me samar,

Kësi lojtarësh

kemi shumë

sikur peshqit

nëpër lumë..

Ngadalë bien

ma shpejt zgjohen,

as nuk skuqen

as nuk turpërohen.

15 nëntor 2016

Kontrolloni gjithashtu

Zeni Bilimani: Tri poezi

ZENI BILIMANI: U RRITËM DHE U POQËM SHPEJT?!

Ne brezi ynë, i epokës të socializmit, Nuk u plakëm, -jo, jo, s’plakemi kurrë!… Ah! …