valamobile
mbpzhr 2018
akp deri me 1 prill
Fillimi / Lajmet / Ka përfunduar seanca për listën e veteranëve të rrejshëm, por ende nuk është publikuar vendimi definitiv
Ka përfunduar seanca për listën e veteranëve të rrejshëm, por ende nuk është publikuar vendimi definitiv

Ka përfunduar seanca për listën e veteranëve të rrejshëm, por ende nuk është publikuar vendimi definitiv

Vendimi i gjykatës për masën e përkohshme për pezullimin e pensioneve të 19 mijë veteranëve do të vendoset jashtë seancës. Ai  do të jetë me shkrim dhe do t’u shpërndahet palëve. Nëse vendimi do të jetë për pezullim të pensioneve veteranët kanë  paralajmëruar protesta. Gjatë seancës gjyqësore Prokurori Special, Enver Krasniqi, ka paraqitur kërkesën e tij që të pezullohet pagesa për 19 mijë veteranët deri në përfundim të procesit gjyqësor. Sipas tij kjo duhet të bëhet me arsyen se “Si rezultati i veprës penale nga të pandehurit është dëmtuar buxheti i Kosovës dhe vazhdon të dëmtohet. Prandaj duke konsideruar buxhetin e Kosovës si interes publik, prokurori i shtetit ka autorizim të plotë ligjor për të kërkuar një gjë të tillë”, ka thënë Krasniqi.

“Përfitues nga buxheti i Kosovës janë personat e tretë dhe një situatë e tillë kur me veprime e të pandehurve si rezultat i veprave penale dhe kur përfitojnë personat e tretë përcaktohet rregulli për të dëmtuarin, që në rastin konkret kemi dëmtimin e Buxhetit të Kosovës. Andaj bazuar në këtë fakt se personat e tretë të paraqitur në aneksin 1 të kësaj aktakuze si pasojë e veprës penale të të pandehurve nga 2015 deri në gusht 2018 kanë përfituar më shumë mbi 88 milionë euro”, ka shtuar ndër të tjera Krasniqi. Ndërsa dhjetë të akuzuarit të pranishëm në seancë janë deklaruar si të pafajshëm. Madje ata kanë thënë se aktakuza është e pabazuar. Prokuroria Speciale e Kosovës, sot ka kërkuar nga Gjykata që të lëshohet urdhër arrest për dy të akuzuarit që kanë munguar në seancën e sotme, Ahmet Dakun dhe Xhavit Jasharin.

Kontrolloni gjithashtu

Sot bëhen 21 vjet nga dita kur filloi rezistenca e UÇK-së në Gllogjan të Deçanit

Sot bëhen 21 vjet nga dita kur filloi rezistenca e UÇK-së në Gllogjan të Deçanit

Sot bëhen 21 vjet të rezistencës së Ushtrisë Çlirimtare të Kosovës në Gllogjan të Deçanit. ...