Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kuvendi i Komunës së Malishevës i drejtuar nga kryesuesi, Argjend Thaçi, filloi punimet e sesionit pranveror duke uruar anëtarët e kuvendit dhe ekzekutivin lokal për bashkërendim dhe bashkëpunim në detyrat dhe planet e punës të cilat do të shqyrtohen këtë vit dhe do të ndikojnë për shërbime të mira qytetarëve. Në këtë mbledhje, nga qeveria lokale merrte pjesë, nënkryetari i Komunës së Malishevës, Vesel Krasniqi bashkë me drejtorët dhe u dhanë përgjigje të gjitha çështjeve të cilat u ngritën nga anëtarët që diskutuan tema të ndryshme. Anëtarët e Kuvendit, diskutuan dhe miratuan e shqyrtuan, raporte pune të komiteteve e komisioneve, morën vendime dhe shfuqizuan disa vendime, miratuan disa rregullore në parim me disa plotësime dhe ndryshime si dhe formuan komisionet për emërtime të rrugëve dhe për zgjedhjen e Bashkësive Lokale.
