Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komiteti Olimpik i Kosovës (KOK) ka nënshkruar të enjten memorandum bashkëpunimi me Komitetin Olimpik të Maqedonisë së Veriut (KOMV).
Memorandumi u nënshkrua nga presidenti i KOK-ut, Ismet Krasniqi dhe presidenti i KOMV, Daniel Dimevski, ndërsa të pranishëm në zyret e KOMV në Shkup, ishin edhe sekretari i përgjithshëm i KOK-ut, Besim Aliti, nënpresidenti Gazmend Maxhuni, si dhe sekretari i përgjithshëm i KOMV, Sasho Popovski.
Në memorandum janë paraparë organizimi i projekteve të përbashkëta, organizimi i kampeve të ndryshme për përgatitjen e sportistëve, etj.
KOMV është duke hapur qendrën më të sofistikuar në Ballkan për diagnostikë sportive, e cila do të jetë në shërbim edhe të sportistëve elitarë të Kosovës, bashkë me të gjitha pajisjet për përgatitje dhe rikuperim.
KO i Maqedonisë së Veriut në muajin qershor do ta organizojë Asamblenë e Përgjithshne të Komitetit Olimpik të Evropës (EOC), me ç’rast presidenti Krasniqi iu uroi suksese në organizim.
