Komuna e Vitisë, publikon listën e përfituesve të bursave të studentëve, kryetari Haliti rrit numrin e përfituesve nga 140 në 213

21/10/2020 Institucionet

Kryetari i komunës së Vitisë, Sokol Haliti përmes një vendimi ka vendosur që të rritet numri i përfituesve të bursave të studentëve vitias për vitin akademik 2019/2020. Në fakt kryetari Haliti ka bërë rritjen e përfituesve të bursave për studentët dhe atë nga 140 në 213 përfitues, ku secili do të fitoj bursë në vlerë prej 300 euro. Sipas vendimit të kryetarit Haliti, kjo është bërë me kërkesën e komisionit për ndarjen e bursave. “Komisioni për ndarjen e bursave pas shqyrtimit të kërkesave të aplikantëve për bursa për vitin akademik 2019/2020 vlera e së cilës është 300.00€, kanë konstatuar se një numër i madhe i aplikantëve kanë plotësuar kushtet për ndarjen e bursave, i kanë propozuar kryetarit të komunës që të shqyrtoj mundësinë e rritjes së numri të bursave nga 140 në 213 bursa, pas shqyrtimit të kërkesës Kryetari i komunës ka aprovuar kërkesën e komisionit dhe ka vendosur që numri i bursave për vitin akademik 2019/2020 të jetë 213 bursa” thuhet në vendimin e kryetarit Haliti për ndryshimin dhe plotësimin e vendimit për ndarjen e 140 bursave për studentët të komunës së Vitisë. Kjo rritje është mirëpritur nga studentet vitias në veçanti gjatë kësaj kohe kur gjendja e pandemisë ka vështirësuar gjendjen financiare të qytetarëve. Vendimin për ndryshimin dhe plotësimin e vendimit për ndarjen e 140 bursave për student të komunës së Vitisë mund ta gjeni duke klikuar në këtë vegëz: https://kk.rks-gov.net.

Kontrolloni gjithashtu

Kryetari Latifi nënshkroi kontratat me tre praktikantë nga skema praktike në punë

Sot, kryetari i komunës së Rahovecit z. Smajl Latifi nënshkroi kontratat me tre praktikantë nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara