KEK
Fillimi / Lajmet / Lumezi: Provat janë të vjetra dhe janë përdorur nga EULEX-i, i cili i ka kurdisur përgjimet
Aleksandër Lumezi

Lumezi: Provat janë të vjetra dhe janë përdorur nga EULEX-i, i cili i ka kurdisur përgjimet

Kryeprokurori i Shtetit, Aleksandër Lumezi, duke folur për medie lidhur me audio-incizimin e përgjimeve telefonike nga EULEX-i ka thënë se prokurori nuk mund të nisë procedurë penale me provat që i ka pasur një prokuror. “Provat të cilat janë dalë nga këto përgjime, janë të vjetra të cilat më parë i ka përdorur edhe prokurori i EULEX-it i cili i ka bërë përgjimet. Në këtë moment nuk kemi të dhënat e duhura andaj mund të jetë e parakohshme të veprojmë në lidhje me rastin. Mirëpo siguroj se do të shikojmë këtë rast dhe askush nuk është i paprekshëm. Nëse gjejmë se ka një gjë të vetme lidhur me ndonjë vepër penale ne do ta nxjerrim para ligjit”, ka thënë Lumezi.

Kryepokurori Lumezi takohet me kryetarin e Kosovës Hashim Thaçi

Jo zyrtarisht bëhet e ditur se Kryeprokurori i Shtetit, Aleksandër Lumezi sot është takuar me kryetarin  e Kosovës, Hashim Thaçi. Së bashku me Lumezin, në takim ishte edhe prokurori, Blerim Isufi. Në disa medie spekulohet se ky takim ta të bëjë me përgjimet e publikuara nga një portal i afërt me EULEX-in dhe shërbimet sekrete serbe. Në përgjime del të jenë të përfshirë, mes tjerësh edhe kryetari Thaçi dhe kryekuvendari, Kadri Veseli.

Kontrolloni gjithashtu

392 persona të infektuar, 222 të shëruar dhe 6 të vdekur

Instituti Kombëtar i Shëndetësisë Publike të Kosovës njofton se gjatë 24 orëve të fundit, në ...