Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Republikës së Shqipërisë, Edi Rama, është zotuar se do ta heq kufirin me Kosovën. Këtë premtim Rama e ka dhënë kur televizioni “Top Channel” e ka pyetur kryeministrin shqiptar nëse Bashkimi Evropian i ka dhënë mbështetje për “Shengenit Ballkanik”, pas mbështetjes që ka marrë nga Matthew Palmer, i dërguar special i Departamentit Amerikan të Shtetit për Ballkanin Perëndimor. “Unë do heq kufirin e Shqipërisë me Kosovën dhe do i jap mundësi shqiptarëve nga dy anët e kufirit që kur të kalojnë Morinën t’ju duket sikur shkojnë nga Prishtina në Gjakovë apo nga Lezha në Durrës, të mos shikojnë aty asgjë dhe mos të rrinë të presin me kilometra e kilometra të tëra. Kjo është shumë e thjeshtë. Nëse do të merremi me përmbajtjen, gjithë përmbajtja e kësaj nisme bazohet jo vetëm në dakordësi, por dhe në interesin e njerëzve të zakonshëm të të gjitha vendeve”, ka thënë Rama.
