Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti amerikan, Donald Trump, ka pezulluar ndihmat e huaja për 90 ditë, duke kërkuar një rishikim të plotë të mënyrës se si përkojnë ato, me politikën e tij të jashtme. Ky vendim ka ngritur shqetësime globale dhe lokale për ndikimet e tij. Në Kosovë, përpunuesi i drurëve, Kreshnik Shehu, shprehu shqetësimin për pezullimin e financimeve nga USAID-i, një agjenci amerikane që ka investuar mbi 1 miliard dollarë në zhvillimin e Kosovës që nga viti 1999. Sipas tij, ndihma amerikane ka qenë thelbësore në rritjen e eksporteve të sektorit të drurit nga 2.5 milionë euro në 2014 në mbi 150 milionë euro aktualisht. Lulzim Rafuna, kryetari i Odës Ekonomike të Kosovës, theksoi rëndësinë e USAID-it jo vetëm në zhvillimin ekonomik, por edhe në uljen e tensioneve mes Kosovës dhe Serbisë. Ndërsa urdhri ekzekutiv i Trump-it nuk specifikon se cilat vende ose programe do të preken, pezullimi i ndihmave amerikane shihet si një sfidë e re për Kosovën dhe për shumë vende të tjera që mbështeten në këtë mbështetje për zhvillim ekonomik dhe demokratik.
