Kryetari i Prizrenit, Shaqir Totaj, priti në takim ministren e Turizmit dhe Mjedisit të Shqipërisë, Mirela Kumbaro

Kryetari i Prizrenit, Shaqir Totaj, priti në takim ministren e Turizmit dhe Mjedisit të Shqipërisë, Mirela Kumbaro

Kryetari i komunës së Prizrenit, Shaqir Totaj, ka pritur në takim ministren e Turizmit dhe Mjedisit të Shqipërisë, Mirela Kumbaro, me të cilën ka diskutuar për thellimin e bashkëpunimit në fushën e turizmit në të dyja vendet. Me këtë rast, kryetari Totaj u shpreh se Prizreni ka nevojë të ketë vizitorë nga Shqipëria, që nxënësit shqiptarë të mund ta vizitojnë qytetin muze dhe t’i shohin nga afër monumentet historike e kulturore si dhe ta sodisin natyrën e pasur të komunës së Prizrenit. Totaj, gjithashtu ka potencuar se zhvillimi i turizmit do të thotë, të kemi edhe zhvillim ekonomik në përgjithësi, shtim të kapaciteteve në vend, rritje të punësimit dhe shkëmbim të përvojave. E në prag të fillimit të sezonit veror në Shqipëri, ministrja Kumbaro ka falënderuar kryetarin e Prizrenit për këtë takim dhe ka theksuar se ofrimi i cilësisë së shërbimeve në rivierën shqiptare, vazhdon të jetë prioritet i institucioneve të Shqipërisë. Totaj ka përmendur se përveç qytetit të Prizrenit, tashmë për vizitorët nga Shqipëria, në hartën turistike, janë futur edhe malet në afërsi, Prevalla dhe Brezovica.

Kontrolloni gjithashtu

Besnik Tahiri

Besnik Tahiri: AAK-ja e shqetësuar me qasjen injoruese të BE-së ndaj Kosovës e trajtimin joserioz të kërkesës për lëvizje të lirë

Shefi i Grupit Parlamentar të AAK-së, Besnik Tahiri ka folur për çështjen e mos liberalizimit …