Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri në shkarkim, Albin Kurti, i ka dërguar letër përfaqësuesit special të Bashkimit Evropian për dialogun dhe çështje të tjera rajonale të Ballkanit Perëndimor, Miroslav Lajçak, përmes së cilës i ka uruar atij marrjen e re të detyrës dhe suksese. Ai përmes letrës është shprehur se Qeveria e Kosovës është e përkushtuar për dialogun me Serbinë, dhe të arrijë një marrëveshje përfundimtare, gjithëpërfshirëse dhe ligjërisht detyruese midis dy vendeve tona. Ndërsa përfaqësuesi special i BE-së, Miroslav Lajçak, zyrtar i paranueshëm për liridashët e Kosovës, për shkak se është proserb dhe vendi i tij nuk e ka pranuar pavarësinë e Kosovës, ia ka kthyer letrën, Albin Kurtit, duke theksuar se është i inkurajuar pasi e ka lexuar letrën e kryeministrit, i cili ka thënë se Kosova është e përkushtuar për normalizimin e marrëdhënieve dhe procesin e Dialogut, dhe është e gatshme të punojë drejt një marrëveshjeje gjithëpërfshirëse dhe ligjërisht detyruese.
