Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lidhjes Demokratike të Kosovës, Lumir Abdixhiku, ka kritikuar ashpër kryeministrin, Albin Kurtin në seancën e Kuvendit ku po mbahet diskutimi për marrëveshjen e Ohrit. Abdixhiku ka folur gjashtë kushtet e Kurtit për asociacionin që i ka dhënë më 2 shkurt 2023. “Gjashtë kushtet e Kurtit për Asociacionin të bëra publike në seancën e 2 shkurtit 2023 në këtë sallë, ato nuk ishin as pjesë e aneksit marrëveshjes e as pjesë e deklaratave të Kurtit. Ai tha se asociacioni është pjesë e marrëveshjes finale dhe bëhet pas njohjes reciproke, dhe nuk kanë kaluar as dy muaj dhe aneks marrëveshja nuk i përmban këto kushtet”. As nuk po flas për dialogun pas kërkimfaljes, as për gjashtë kushtet e asociacionit, as kompensimin e dëmeve të luftës, as për të drejtat e shqiptarëve në luginë. Por për gjashtë kushtet që u thanë në shkurt 2023. Për këto ndryshime ndiej unë vetëm keqardhje. Çfarë fati i trishtueshëm politik. Ndiej keqardhje për humbjen e kohës së Kosovës. Marrëveshja tani është ligjërisht e obligueshme. Këto kritere nuk negociohen më sepse janë pranuar, dhe thjesht duhet të zbatohen, ka thënë Lumir Abdixhiku.
