Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish prokurorja e EULEX-it që paraqiti provat e korrupsionit në këtë mision e nga ku u largua nga puna më pastaj, Maria Bamieh ka rënë dakord për një marrëveshje me qeverinë e Mbretërisë së Bashkuar për t’i marrë 423 mijë funta. Ajo i ka deklaruar gazetës autoritative britanike, “The Guardian” se në vend se ajo të lavdërohej për ekspozimin e provave të korrupsionit në EULEX, u keqtrajtua dhe u detyrua të largohej nga puna. “Besoj se duhet të isha lavdëruar dhe mbështetur nga Zyra e Jashtme e Britanisë (FCDO) për ngritjen e shqetësimeve të mia rreth korrupsionit të mundshëm brenda EULEX-it dhe trajtimit që kam pësuar më pas, por në vend të kësaj u ndjeva e braktisur,” është cituar të ketë thënë ish prokurorja e EULEX-it, Maria Bamieh. Gazeta britaneze “The Guardian” ka përkujtuar se prokurorja, Maria Bamieh, pretendoi se gjatë tetë viteve të fundit se Zyra e Jashtme e Mbretërisë së Bashkuar dështoi t’i ofrojë mbështetje pasi ajo u përpoq të ekspozonte bashkëpunimin e mundshëm midis zyrtarëve të BE-së dhe kriminelëve të dyshuar në Kosovë.
