MASHT LANSON PROGRAMIN “ME SHKOLLAT PËR KOMUNITETE TË SIGURTA” PËR SHKOLLAT E ARSIMIT PRIVAT NË KOSOVË

06/02/2019 Institucionet

Ministria e Arsimit Shkencës dhe Teknologjisë, me mbështetjen e Zyrës së IOM në Kosovës dhe Zyrës së Kryeministrit, lansoi programin “Me shkollat për komunitete të sigurta” për sektorin e arsimit privat në Kosovë. Me këtë rast, Sekretari i Përgjithshëm i MASHT, Ekrem Kastrati fillimisht, falënderoi IOM-in, zyrën në Kosovë që e ka bërë të mundur realizimin e programit në vendin tone. Tutje, Kastrati tha se për MASHT-in është e rëndësishme që po fillojmë shtirjen e programit edhe në shkollat e Arsimit Privat duke pas parasysh rëndësinë e këtijë sektori për zhvillimin dhe avancimin e vlerave arsimore në vend. “Për ne sikur në arsimin publik edhe në atë privat, është e rëndësishme rritja e nivelit të sigurisë në hapësirat shkollore si dhe parandalimi i çdo lloj sjellje të dhunshme si nga ana e fëmijëve po ashtu edhe nga stafi i shkollës”, tha Kastrati. Ndërsa, ekspertja e programeve arsimore për parandalim të ekstremizmit të dhunshëm në MASHT, Mimoza Hasani Pllana në emër të IOM-it dhe Koordinatori Nacional për parandalim të ekstremizmit në nivel nacional, Lulzim Fushtica falënderuan MASHT-in dhe partnerët në Shqipëri që kanë kontribuar për hartimin dhe zbatimin e një programi që ndihmon në përmbushjen e tri objektivave kyçe, të Strategjisë për Parandalimin e Ekstremizmit të Dhunshëm dhe Radikalizmit që Shpie në Terrorizëm 2015-2020. Programi do të zgjasë dy ditë dhe përfshinë koordinatorët e cilësisë, psikologët dhe mësimdhënës të lëndës Edukata Qytetare, nga 28 shkolla të arsimit parauniversitar në Kosovë.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara